Radunonzas communalas
Radunonza communala dils 2 da december 2011
Tractanda 2
Constataziun dall'approbaziun dil protocol dalla radunonza communala dils 3-6-2011
Dil protocol sura numnaus han ins saviu prender envesta sin canzlia
communala. Tiel protocol ei vegniu inoltrau neginas propostas per
midadas.
Il protocol vala tenor artechel 25 dalla constituziun da vischnaunca cun quei sco approbaus.
Tractanda 4
Presentaziun ed approbaziun preventiv 2012
Il preventiv 2012 preveda las suandontas expensas ed entradas:
Quen current
Total expensas: frs. 4'760'600.--
Total entradas: frs. 4'817'100.--
Surpli entradas: frs. 56'500.--
Quen d'investiziun:
Total expensas: frs. 2'045'000.--
Total entradas: frs. 635'000.--
Surpli expensas: frs. 1'410'000.--
Il preventiv pigl onn 2012 vegn approabaus cun grond surpli.
Tractanda 5
Fixar il pei da taglia per 2012:
a) Taglia sin gudogn e facultad
b) Taglia sin schischom
Cun grond surpli vegn la proposta dalla suprastonza communala approbada.
Il pei da taglia pigl onn 2012 resta cun quei sco tochen da cheu.
Il pei da taglia per la taglia sin gudogn e facultad munta 75 % dalla taglia cantunala e quel per la taglia sin schischom 1.25 ‰ dalla valeta fiscala.
Tractanda 6
Damonda da credit per la sanaziun dil provediment d'aua
Tenor pretensiuns dil cantun ston tut las tschaffadas d'aua dalla vischnaunca Falera vegnir sanadas
en etappas duront ils proxims onns.
Il credit brutto da frs. 775'000.-- per la sanaziun dall'emprema etappa, inclus concept da sanaziun per tut las tschaffadas e concept da garanzia da qualitad, vegn concedius cun grond surpli.
Tractanda 7
Damonda da credit per la sanaziun dalla Via Fuorns (Tuf)
Il credit brutto da frs. 260'000.-- vegn concedius cun grond surpli.
Tractanda 8
Damonda da credit per la sanaziun dalla Via Cabriec
Il credit brutto da frs. 450'000.-- vegn concedius cun grond surpli.
Tractanda 9
Zona d'indigens Er Liung: Damonda da dar giu ina parcella en dretg da baghegiar
La damonda da gar giu ina parcella en dretg da baghegiar ella zona d'indigens vegn approbada cun grond surpli.
Tractanda 10
Decisiun pertuccont l'iniziativa "Romontsch sursilvan sco lungatg da scola e dad alfabetisaziun en la scola primara"
A Falera ei vegniu introduciu igl onn da scola 2007/08 Rumantsch Grischun sco lungatg da scola. L'iniziativa pretenda ussa da turnar anavos puspei sin Romontsch sursilvan sco lungatg da scola e dad alfabetisaziun.
A caschun dalla sessiun dil december 2011 vegn il cussegl grond a decider sur la revisiun totala dalla lescha da scola, la quala ha era influenza sil lungatg da scola resp. sils mieds da scola. La suprastonza communala fa perquei la proposta da spitgar giu quella decisiun e per decider sur dall'iniziativa suenter quella decisiun dil cussegl grond.
La proposta dalla suprastonza communala vegn refusada cun 60 Gie encunter 107 Na.
Cun quei ha stuiu vegnir decidiu sur dall'iniziativa. L'iniziativa vegn approbada cun 113 Gie encunter 52 Na.
Allas 22.20 uras siara il president communal la radunonza.