Publicaziuns ufficialas
Cheu anfleis vus las actualas publicaziuns ufficialas dalla vischnaunca da Falera.
Decisivs per termins da far protesta ei denton sulettamein il datum dalla publicaziun egl organ da publicaziun ufficial dalla vischnaunca da Falera, il Fegl ufficial Regiun Surselva.
Vischnaunca Falera
Planisaziun digl areal Fandrels cun regruppament dil terren
Conclus d'introducziun ed exposiziun dil possess vegl
A sia seduta dils 17 da schaner 2012 ha la suprastonza decidiu d'introducir la planisaziun digl areal (LPTGR art. 47) cun regruppament dil terren (LPTGR art. 65) el territori da Fandrels. Cun quella procedura vegnan creadas las premissas dil dretg da planisaziun e da proprietad en vesta alla realisaziun dil concept per in implont da hotel, sco quei che la Regenza dil cantun Grischun ha approbau cun la revisiun parziala dalla planisaziun locala ils 22 da november 2011. Dils acts da planisaziun e dil conclus dalla Regenza san ins prender envesta tier la vischnaunca. Actas d'exposiziun:
Plan dil territori cumpigliau e possess vegl 1:2000
Tabella cun register dallas surfatschas el territori cumpigliau e possess vegl
Cuoz dall'exposiziun:
30 dis naven dils 16 da fevrer 2012
Liug d'exposiziun:
Canzlia communala da Falera, Via Principala 45c, 7153 Falera
Recuors:
Encunter il conclus d'introducziun, la cunfinaziun dil territori cumpigliau ni la cunfinaziun cun il possess vegl sa vegnir recurriu tier la suprastonza communala entochen ils 19 da mars 2012 (bul postal) en scret e cun indicar ils motivs.