Via dils planets
La via dils planets a Falera ei ina
senda instructiva astronomica davart nies sistem solar. Ella sesanfla
sin l`emprema part dalla via da panorama (senda sursilvana), che meina da Falera via Larnags a Laax-Murschetg.
Sin ina via bein mentenida da 1.5 km lunghezia fageis Vus in cuort
viadi naven dil sulegl, nossa steila fixa, tochen tier il planet pluto.
Quei corrispunda ad ina distanza da ca. 5.9 milliardas kilometers ni ad
ina scala dad 1:4 milliardas. Quei vul dir che Vus s`avanzasses cun
mintga pass sin la via dils planets 4 milliuns kilometers egl univers.
Sin quella via ein il sulegl ed ils nov planets presentai sco
sculpturas. Concernent quellas munta la scala denton ad 1:2 milliardas;
quei vul dir ch`ils planets ein vegni presentai il dubel gronds -
cumparegliziun cun las distanza.
Fagiei ina spassegiada tras
nies sistem solar e laschei impressiunar dalla grondezia da nies
univers. Gudi era il panorama impressiunont cun ina vesta imposanta
viera la cavorgia dil Rein, la Ruin`aulta. La via da panorama meina Vus
vinavon viers Laax ni anavos el liug da partenza. La Societad
astronomica dil Grischun e la vischnaunca da Falera giavischan bia
plascher tier la scoperta dil sistem solar.
Flyer via dils planets Falera